دواین بڵاوکراوەکان

رەمەزان لە دیدی قورئان

خوداى ڕه‌حمان ئايينه‌كه‌ى خۆى به‌چ پاراستووه‌ له‌ ده‌ستى كه‌ڵه‌گايان (طاغيت)؟ جووله‌ى زه‌وى و مانگ له‌ هه‌ر سات و كاتێكى دياريكراو كاريگه‌ريێكى دياريكراو ده‌خاته‌ سه‌ر زه‌وى و خه‌ڵكه‌كه‌ى ئايا په‌رستشه‌كانمان په‌يوه‌ستى (قمر) كراوه‌ يان په‌يوه‌ستى (شهر) كراوه‌؟ و ئايا جياوزازييان چييه‌؟

اقــــــــــــــــــــــرأ

وشه‌ى (اقرأ) له‌ فه‌رهه‌نگه‌كانى زمانه‌وانى عه‌ره‌بى چه‌ندين ماناى هه‌يه‌ وه‌ك تێروانين و ڕامان و قوڵبوونه‌وه‌و وردبوونه‌وه‌و نزيكبوونه‌وه‌ و كردنه‌ ڕێباز و هه‌ڵگرتن و گواستنه‌وه‌و پێگه‌ياندنى سڵاو و كۆكردنه‌وه‌ و به‌يه‌كگه‌ياندنه‌وه‌ و زۆرئه‌نجامدان و و به‌رزبوون و هه‌رشتێك كۆى بكه‌يته‌وه‌ ماناى وايه‌ (قَرَأْتَه) و تێگه‌يشتن و كات و ئاوابوون و پاكبوون و گه‌ڕانه‌وه‌ ئه‌مانه‌ به‌شێكن له‌ ماناكانى (اقرأ)

ئايا ئافره‌ت له‌ كاتى حه‌يضدا ده‌توانى به‌ رۆژوو بێت و نوێژ بكات؟

(( پرسيارم لێكرا)): خوداى گه‌وره‌ پياو و ئافره‌تى خه‌لق كردووه‌‌ بۆ هيچ كاتێك پياوى عقوبه‌ نه‌داوه‌ به‌ دورخستنه‌وه‌ له‌ خۆى به‌ مه‌نعكردنى له‌ نوێژ و ڕۆژوو؟ ئايا بۆ ده‌بى ئافره‌ت لە كاتی سوری مانگانەدا سزا بدات به‌مەنعكردنی لە نوێژ و رۆژو؟ (مع العلم) خۆى وا دروستى كردوون........ نوسه‌ر: لارين نصرالدين

شه‌وى قه‌در

جياوازى چييه‌  له‌ نێوان (إنزال و تنزيل) له‌ قورئاندا؟ ئايا قورئان له‌ شه‌وێكدا دابه‌زيوه؟‌ ئايا ئه‌و (أمر)ه‌ داناييه‌ چييه‌ پياده‌ ده‌كرێت؟ بزانه‌ ياساى (خلق) چۆن پياده‌ ده‌كرێت؟ تاكو ياساى (أمر) داببه‌زێت، فه‌رمانه‌كانى خوداى ره‌حمان هه‌ر له‌ ئاسمان ده‌مێنێته‌وه‌، ئايا ده‌كرێ دابه‌زينى فريشته‌كان بۆ دونيا دووباره‌ ببێته‌وه‌؟ موباره‌كى شه‌وى قه‌در چييه‌؟ يادكردنه‌وه‌ى ئه‌م شه‌وه‌ لۆچييه‌‌؟ ئه‌و ئاهه‌نگه‌ ئاسمانييه‌ى له‌م شه‌وه‌دا ده‌گێڕدرێت، كێ پێى هه‌ڵده‌ستێت؟


21/08/2011 05:58:00 م جار خوێندراوه‌ته‌وه‌ 977

ته‌ڵاق ڕوو له‌زیادبوونه‌و هه‌ڕه‌شه‌ له‌هه‌زاران خێزانی کورد ده‌کات


زۆرجار گله‌یی ده‌كرێت، که‌لاوان ته‌نیا داوا ده‌که‌ن و حكوومه‌ت پڕۆژه‌ى گونجاوى له‌وانه‌وه‌ پێناگات، بۆیه‌ (چاره)‌ دواى تاوتوكردنى بابه‌تێكى هه‌ستیار، که‌په‌یوه‌ندی به‌زۆرینه‌ی دانیشتوانی گۆی زه‌وی هه‌یه‌، وه‌ک ئه‌رکێک، پڕۆژه‌ى دامه‌زراوه‌یه‌ك بۆ وه‌زاره‌تی کارو کاروباری کۆمه‌ڵایه‌تی حكوومه‌تى هه‌رێمى كوردستان به‌رزده‌کاته‌وه‌، ئه‌ویش ته‌ڵاقه‌.. به‌و ئومێده‌ى ئه‌و هه‌ڕه‌شه‌ به‌رده‌وامه‌ی له‌ڕێی ته‌ڵاقه‌وه‌ له‌سه‌ر کۆمه‌ڵی کوردی هه‌یه‌و به‌رده‌وام ژن ومنداڵه‌کان په‌رته‌وازه‌ی سه‌رشه‌قام ده‌کات‌ هیچ نه‌بێت شتێکی لێ که‌مبکه‌ینه‌وه‌، خوازیارین لایه‌نی په‌یوه‌نداریش له‌ئاست ئه‌و به‌رپرسیاره‌ته گه‌وره‌یه‌ دابێت و‌ خه‌مى جیددى بخوات.

کاریگه‌ریی له‌ کۆرپه‌له‌یی
ئه‌وه‌ى ده‌مانه‌‌وێ قسه‌ى له‌سه‌ر بكه‌ین، ته‌نیا پێشنیاره‌، ده‌زانین چاكبوون و خراپبوونى مرۆڤ هۆكارى هه‌یه‌، ئه‌گه‌ر پێوه‌رێك هه‌بێت ده‌زانى ئه‌و مرۆڤه‌ چۆنه‌، به‌ڵام ده‌بێ بزانین خودى سروشتى مرۆڤ له‌ بنه‌ڕه‌تدا خراپ نییه‌، به‌ڵكو به‌ شێوه‌ى جوراو جۆر فێرى خراپه‌ ده‌كرێت، ئه‌گینا شوێنه‌وارى ده‌ورووبه‌ر نه‌بێت خراپ ده‌رناچێ، بۆیه‌ ئه‌و هه‌ڵوێستانه‌ش، كه‌ له‌لایه‌ن تاكه‌كان ده‌نوێنرێ زیانى بۆ خۆى و ده‌ورووبه‌رى ده‌بێت، كچ و كوڕ له‌سكى دایكیانه‌وه‌ تا ده‌بنه‌ ژن و مێرد شوێنه‌وارى سلبیان له‌سه‌ر هه‌یه‌، زانست ئاشكرایكردووه‌، كاتێك دایك و باوك خواردنه‌وه‌ى كهولى و جگه‌ره‌ ده‌كێشن به‌شێك به‌ر كۆرپه‌له‌ ده‌كه‌وێت، له‌ هه‌مان كات ناسه‌قامگیرى ده‌روونیى دایك كاریگه‌ریى خراپ له‌سه‌ر منداڵ دروست ده‌كات، ئه‌گه‌ر ته‌ماشا بكه‌ین نه‌وه‌كانى هیرۆشیما تا ئێستاش كاریگه‌رى چه‌كى کیمیاوییان له‌ ڕوو به‌جێماوه.

به‌ڵگه‌
‌ له‌رووى شه‌رعیشه‌وه‌ به‌ڵگه‌ى قورئانیمان هه‌یه‌ له‌سه‌ر دوو پێغه‌مبه‌ر سه‌لامى خوایان له‌سه‌ر بێت، كه‌ حه‌زره‌تى ( عیسی و موسى) ن كه‌ نێردراوى یه‌ك خودان، به‌ڵام ته‌ماشا ده‌كه‌ین له‌سه‌ر یه‌ك بابه‌ت دوو هه‌ڵوێستى جیا له‌ هه‌ریه‌كه‌یان به‌دى ده‌كرێت، حه‌زره‌تى موسا پاش له‌ دایكبوونى كه‌سایه‌تى جیاى هه‌بوو به‌هۆى دڵه‌ڕاوكێى دایكى له‌ ترسى هه‌ڕه‌شه‌كانى فیرعه‌ون، به‌ڵام هه‌رچى حه‌زره‌تى عیسایه‌كه‌ پێغه‌مبه‌رێك هه‌موو ئارامییه‌كى بۆ ئاماده‌ كردبوو، حه‌زره‌تى مریه‌م له‌ لایه‌نى مادیی و مه‌عنه‌ویى سه‌رپه‌رشتی ده‌كرا ئه‌و ئارامیه‌ له‌ كه‌سایه‌تى حه‌زره‌تى عیسی هه‌ستى پێده‌كرا.
ئه‌گه‌ر ته‌ماشاى حه‌زره‌تى محمد (د.خ) بكه‌ین، به‌هه‌مان خۆشگوزه‌رانى له‌دایكبوو، بۆیه‌ كه‌سایه‌تیه‌كى جێگیرو ئارام و بڕوابه‌خۆبوونى هه‌بوو توڕه‌ ده‌رنه‌چووبوو‌.
له‌ ئه‌نجامدا ده‌رده‌كه‌وێت منداڵ دروستكراوى ده‌ورووبه‌رى خۆیه‌تى و له‌ دایكه‌وه‌ ده‌ست پێده‌كات تا ده‌گاته‌ دراوسێ وخزم و قوتابخانه‌ و ڕاگه‌یاندن و‌ ژینگه‌و جوگرافیا و.. تد.
بۆیه‌ ئه‌گه‌ر گۆڕانكارى له‌دایك و باوكانه‌وه‌ ده‌ستی پێكرد، له‌ئه‌نجامدا منداڵى ته‌ندروست له‌ دایك ده‌بن.

دۆسیه‌کانی ته‌ڵاق
ئه‌مڕۆ ده‌بینین كێشه‌ كۆمه‌ڵایه‌تییه‌كان به‌شێكن له‌ كاریگه‌رییه‌کان، كه‌ ده‌چیته‌ دادگا ته‌ڵاق و دزى و كوشتن.. تد ڕووبه‌ڕووت ده‌بێته‌وه‌. 
كه‌ ته‌ڵاق یه‌ك له‌ كێشه‌كانه‌، سه‌رنج ده‌ده‌ین ئه‌وه‌ى داواى ته‌ڵاق ده‌كات كۆمه‌ڵێك كه‌م و كوڕى هه‌یه‌، چونكه‌ ئه‌گه‌ر پزیشكى نه‌شته‌رگه‌ریى چه‌ندین قۆناغى چاره‌سه‌ریى نه‌بڕێت ناتوانى چاره‌سه‌رى یه‌كجارى بكات، بۆیه‌ ئه‌و پیاو یا ئافره‌ته‌ى داواى ته‌ڵاق ده‌كات خۆى له‌گه‌ڵ خۆى باش نییه‌، ئه‌و خراپیه‌ى هه‌یه‌تی ده‌چێته‌ سه‌ر خێزانه‌كه‌شى، له‌ شوفێریدا تووش ده‌رده‌چێ، له‌گه‌ڵ دراوسێ گرژو له‌مامه‌ڵه‌یدا ڕه‌ق ده‌بێت و..تد، ئه‌وه‌ كاریگه‌رییه‌ خراپه‌كانى بۆ هه‌موو كۆمه‌ڵگه‌ په‌رت ده‌بێت.
ده‌بینین مرۆڤه‌كه‌ خۆى كه‌م و كوڕى هه‌یه‌و كۆمه‌ڵگه‌ تێوه‌ ده‌گلێنێ، ڕه‌وا نییه‌ ئه‌ندامێكى له‌شت ژان بكات هه‌مووى لێبكه‌یته‌وه‌، كاتێ دۆسیه‌كان هه‌ڵده‌د‌ه‌یه‌وه‌ داواكارى ته‌ڵاق له‌سه‌ر شتى زۆر بێبایه‌خ ده‌بینرێ، بۆیه‌ ئه‌و حاڵه‌تانه‌ هه‌مووى به‌ستراوه‌ته‌وه‌ به‌ تاك، ئه‌گه‌ر چاره‌سه‌ركرا گۆى زه‌وى گۆڕانكارى به‌سه‌ردادێت، پێچه‌وانه‌كه‌شى وه‌ك و ئه‌مڕۆ دنیا وێران ده‌كات ، چونكه‌ مرۆڤ خۆى له‌هه‌مووباره‌که‌وه‌ ته‌واوه‌ (متكامل)، ئه‌گه‌ر خوێندنه‌وه‌ى گونجاوى بۆ بكرێت چاره‌سه‌رى ئاسان ده‌بێت.

پزیشک ونه‌خۆش
هه‌روه‌ها ته‌ڵاقیش یه‌ك له‌و بابه‌تانه‌یه‌، ئه‌گه‌ر وه‌ك شێرپه‌نجه‌ زوو پێی ڕانه‌گه‌ى ناچارى بیبڕیه‌وه‌، به‌ڵام دیسان به‌قه‌ده‌ر شوێنه‌ تووشبووه‌كه‌ لێده‌كرێته‌وه‌، نه‌ك به‌یه‌كجارى بنه‌بڕی بكه‌ى، له‌وه‌وه‌ به‌ده‌رده‌كه‌وێت ئه‌وه‌ى بڕیارى بڕینه‌وه‌ى یه‌كجارى ده‌دات دكتۆره‌ نه‌ك نه‌خۆش، چونكه‌ ئه‌گه‌ر مه‌جال بدرێته‌ نه‌خۆش ڕه‌نگه‌ له‌به‌ر ئازاره‌كه‌ بنه‌بڕى بكات، به‌هه‌مان شێوه‌ له‌ حاله‌تى ته‌ڵاقیش مرۆڤ به‌ نه‌خۆش داده‌نرێت، ئینجا له‌ حاله‌تى ده‌روونى و جه‌سته‌یی، بۆیه‌ ته‌ڵاق له‌ بنه‌ڕه‌تدا ناكه‌وێ و سێ قۆناغى بۆ دانراوه‌، بۆیه‌ ده‌بێت ئه‌و كه‌سه‌ى تووشى ئه‌و حاڵه‌ته‌ ده‌بێت، پێویسته‌ به‌ چاوى نه‌خۆش و به‌ ئارامى مامه‌ڵه‌ى له‌گه‌ڵدا بكرێت، بۆیه‌ دادوه‌ریش مۆڵه‌ت ده‌داته‌ ئه‌و ژن و مێردانه‌ى داواى جیابوونه‌وه‌ ده‌كه‌ن وبه‌شتى لاوه‌كى خه‌ریكیان ده‌كات تاپه‌شیمان ببنه‌وه‌، به‌ڵام ئه‌وه‌ چاره‌سه‌رییان ناكات، چونكه‌ به‌چاوى نه‌خۆش و پزیشك ته‌ماشا ناكرێن، پێویسته‌ لایه‌نى سێهه‌م هه‌بێت جا بابنکه‌یه‌کی فراوان بێت، که‌ دواى دادگا، ( ژن  و پیاوه‌كه‌ له‌خۆ بگرێت و ئه‌وان بێنه‌ ناوشێوازى مامه‌ڵه‌كردن له‌گه‌ڵ ڕووداوه‌كه‌و له‌لایه‌نى كۆمه‌ڵایه‌تییان بكۆڵنه‌وه‌و لایه‌نه‌ هۆشیارى و ژیرى و په‌روه‌رده‌یی و ته‌ندروستیه‌كانیان له‌به‌رچاو بگرن، ئه‌وان بڕیار بده‌ن، نه‌ حاكم و ژن و پیاوه‌كه‌، پێویسته‌ لایه‌نى سێهه‌میش لیژنه‌یه‌ك پێكبهێنن، كه‌ دوولقى لێبێته‌وه‌، لقێك بۆ ئافره‌ته‌كه‌و ئه‌ویدیكه‌یان بۆ پیاوه‌كه‌، لیژنه‌كه‌ش ده‌سه‌ڵاتى فراوانى هه‌بێت، خاڵه‌ لاوازه‌كانیان دۆزییه‌وه‌ ئه‌و كاتى چاره‌سه‌رى بۆ دابنێن، به‌و شێوه‌یه‌ ته‌ڵاق ڕوونادات.

ڕۆڵی ZN , MG له‌بڕیارداندا
بێگومان هه‌ندێك ئایۆنات هه‌یه‌ وه‌ك و: (ZN , MG) ئه‌وانه‌ رێژه‌یان زۆر كه‌مه‌ و مرۆڤیش پێویستى پێیه‌تى، لاشه‌ى مرۆڤ ئه‌و ماددانه‌ى نه‌درێتێ زۆرجار بڕیارى نابه‌جێ ده‌دات، نموونه بۆ وه‌رگرتنی مێشکی مرۆڤ بۆ‌ (ZN , MG) ده‌بێ ئه‌و مرۆڤه‌ خواردنێكى هاوسه‌نگ بخوات تاكو بریاره‌كانى هاوسه‌نگ بێت، زانست ده‌ریخستووه‌، هه‌ندێ مادده‌ هه‌یه‌ ئه‌گه‌ر مرۆڤ خۆى له‌خۆى قه‌ده‌غه‌ كرد و به‌ بێزو قێزبوو، یا حه‌زى لێنه‌بوو، پاش ماوه‌یه‌ك كارده‌كاته‌ سه‌ر مێشكى، چونكه‌ خانه‌كانى مێشك بڕیار ده‌ده‌ن و چاكه‌ و خراپه‌ لێكجیا ده‌كه‌نه‌وه‌، به‌ نه‌گه‌یشتنى ئه‌و ماددانه‌ بۆ مێشك بڕیارى هه‌ڵه‌ ده‌رده‌چێت، بۆ نموونه‌ توێژینه‌وه‌ له‌سه‌ر سه‌ركرده‌ى سه‌ربازى هه‌یه‌ له‌یه‌ك كاتدا دوو بڕیارى پێچه‌وانه‌ی یه‌کتری داوه‌.

لایه‌نی سێهه‌م
بۆیه‌ ئه‌گه‌ر لایه‌نى سێهه‌م هه‌بێت لێكۆڵینه‌وه‌ له‌سه‌ر ئه‌و دوو كه‌سایه‌تییه‌ بكات دوورنییه‌ له‌ ئه‌نجامى پشكنین ده‌ربكه‌وێت چه‌ند مادده‌یه‌كى پێویست له‌ لاشه‌یان كه‌مبێت و كاری كردبێته‌ سه‌ر بڕیارى هه‌ڵه‌، ئینجا ئه‌نجام چى ده‌رده‌چێ، كارى دامه‌زراوه‌ حكوومیه‌كان‌و ڕێكخراوه‌كانى كۆمه‌ڵگه‌ى مه‌ده‌نیه‌ بێت توێژینه‌وه‌ و لێكۆڵینه‌وه‌ له‌سه‌ر ژیانى ئه‌و خێزانانه‌ بكه‌ن و ئه‌و كات چاره‌سه‌رى نه‌ك بۆ ته‌نیا ئه‌و خێزانه‌ بكرێت، به‌ڵكو هه‌موو خێزانه‌كان له‌ڕێی هۆكاره‌كانى ڕاگه‌یاندنه‌وه‌ لێی هۆشیار بكرێنه‌وه‌، به‌ڵام ده‌بێت سه‌رپه‌رشتیاران شاره‌زایى ته‌واویان هه‌بێت له‌و بواره‌دا‌ تاكو هه‌م ده‌ستنیشانى و هه‌میش چاره‌سه‌ر دابنێن، به‌ڵام ئه‌گه‌ر هاتوو ئه‌و كه‌سه‌ كاریگه‌ریى باشى له‌سه‌ر گوفتار و ڕه‌فتارى دروست ببێت، به‌ڵام ئاماده‌ نه‌بوو چاره‌سه‌ر وه‌ربگرێت ئه‌و كات ده‌بێت كه‌سه‌كه‌ سزا بدرێت نه‌ك خێزان، له‌وێ دادگا بڕیار ده‌دات له‌گه‌ڵ ژن یان پیاوه‌كه‌ چۆن ئیداره‌ بكرێت، ئه‌و دامه‌زراوه‌یه‌ پێشنیاز ده‌داته‌ دادگا ، كه‌ كه‌سه‌كه‌ پێویستى به‌ فڵانه‌ چاره‌سه‌رى هه‌یه‌ تا بۆی دابین بكرێ.

ته‌ڵاق هه‌ڕه‌شه‌یه‌کی به‌رده‌وام
بێگومان ئه‌و دامه‌زراوه‌یه‌ دره‌نگه‌ زوو نییه‌، چونكه‌ كۆمه‌ڵگه‌ى كوردى له‌ ژێر هه‌ڕه‌شه‌ى به‌رده‌وامى ئه‌و دیارده‌یه‌ دایه‌و به‌ره‌و ڕووخان ده‌چێت، ئه‌وه‌ ئه‌ركى حكوومه‌ته‌ هه‌نگاوى جیددى بۆ بهاوێژێت، تاكو هاوڵاتى كه‌كارى كه‌وته‌ ئه‌و شوێنه‌ ناچار به‌پابه‌ندبوون بكرێ، ڕاسته‌ بنكه‌و سه‌نته‌ره‌كانى كۆمه‌ڵگه‌ى مه‌ده‌نى بۆ كردنه‌وه‌ى خولى پته‌وكردنى خێزان پێویسته‌، به‌ڵام له‌كاتى چاره‌سه‌ریى خه‌ڵك له‌چوون یانه‌چوونیان بۆ ئه‌و شوێنانه‌ ئازادن، دڵنیاین ئه‌و شوێنه‌ ده‌بێته‌ به‌شێكى گرنگ له‌ قۆناغه‌كانى ئارامكردنه‌وه‌و پاشان چاره‌سه‌رى كێشه‌كان له‌نێوان ژن و پیاودا، سه‌رنج ده‌ده‌ین زۆر كێشه‌ى لابه‌لا هه‌یه‌، بۆ نموونه‌ (سێكس) له‌ نێوان ژن و مێرددا، كه‌ بمانه‌وێ و نه‌مانه‌وێ بۆته‌ شتێكى سه‌ره‌كى له‌ژیانى هاوسه‌رگیریدا، پیاوه‌كه‌ دێت گله‌یى له‌لاوازى سێكسى خێزانه‌كه‌ى ده‌كات، به‌ڵام ئه‌گه‌ر لێبكۆڵینه‌وه‌، پیاوه‌كه‌ پێشتر سه‌یرى فیلمى (سێكسی) كردووه‌، ئه‌و دیمه‌نانه‌ى له‌وێ به‌رچاوى كه‌وتووه‌، هه‌مان حاڵه‌تى له‌ خێزانه‌كه‌ى ده‌وێت، ئه‌ویش له‌ توانایدا نییه‌ پیاوه‌كه‌ به‌و حاله‌ته‌ بگه‌یه‌نێ كه‌پێشتر‌ له‌ مێشكى پیاوه‌كه‌ى تۆمار بووه‌، مه‌به‌ست ئه‌وه‌یه‌، له‌وانه‌یه‌ ئه‌و بابه‌ته‌ی پیاوه‌که‌ لاى خێزانه‌كه‌ى گرنگ نه‌بووبێ، یاخود نازانێ پیاوه‌كه‌ى بۆ واده‌كات، بۆیه‌ جۆره‌كانى جووتبوونیش نازانێ، به‌ڵام ئه‌گه‌ر هۆشیاریی وچاره‌سه‌ریی هه‌بێت ده‌توانرێ به‌ئاسانیی ئه‌وانه‌ بگه‌یه‌ننه‌ یه‌کتر.

ماڵپەری فه‌رمى مامۆستا محمد رافع
Copyright 2011-2017 All Rights Reserved